Telefon

+ 998 97-223-31-10

+ 998 93-727-97-07

Palov

2020-01-03

   Palov ko`p tarqalgan va o`zbeklarlarning eng sevimli taomlaridan. Uni ham tantanali marosimlarda, ham har kuni tayyorlashadi.

   Palovning asosiy tarkibiy qismlari - guruch, yog`, piyoz va  sabzidir, binobarin uni go`shtsiz ham tayyorlash mumkin.

   Doimiy tarkibiy qismlaridan tashqari no`xat, sarimsoqpiyoz, behi, mayiz, sholg`om va boshqa mahsulotlar ham solinadi. U vaqtda palovning nomi oldindan qo`shimcha solingan mahsulot nomi qo`shiladi. Misol uchun, sarimsoqpiyozli yoki mayizli palov

   Palov uchun kraxmali kam va sinmagan butun guruch  ishlatiladi.

    Guruchning palov uchun yaroqli ekanligini quyidagicha aniqlanadi:yuvishda qo`l kaftida qattiq qisiladi, agar ushalib ketmaydigan g`uvaklaligicha qolsa, bunday guruch palov tayyorlash uchun yaroqsiz deb hisoblanadi.

  Palovni ko`pincha quruq tog`da tayyorlashadi. Lekin milliy tadqiqot ishlari shuni ko`rsatganki, mol yog`ini tez tez iste`mol qilish odam organizmiga salbiy ta`sir ko`rsatadi, shu sababli palov tayyorlash uchun o`simlik moylari yoki ularning mol yog`i bilan aralashmasi maqsadga muvofiqdir. Ilgarilari palov tayyorlash uchun zig`ir, kunjut moylarini keng qo`llanilgan, hozir esa paxta yog`ini ishlatiladi.

   Palov uchun sabzining qaysi navini avfzal ko`rish mumkin? Bu esa aholining qaysi joyda yashashiga va palovning turiga bog`liq. Misol uchun, Samarqand va Xorazm viloyatlarida sariq sabzini zvfzal ko`rishadi, Surxondaryoda esa qizil sabzini, qolgan joylarda unisi ham bunisi ham, ishlataveradilar.

   Palovni tayyorlash jarayoni ikki bosqichdan iborat: zirvak tayyorlash va palovni qaynatish. Zirvak tayyorlash - piyoz, sabxzi va go`shtga birga yoki alohida issiqlik ta`sirida ishlov berishdan, palovni qaynatish esa zirvakka guruchni solish, suvni bug`lantirib chiqarib yuborish va dimlashdan iborat.

    Palovni tayyorlashda katta ahamiyatga ega bo`lgan mahsulotlardan biri suvdan oldin solinadigan ziravor va dorivorlardir. Ziravor va dorivorlar sifatida zira, zirk, arpabodiyon, murch, maydalangan qizil qalampir butunligicha ishlatiladi.

   Zirvakka mo`ljallangan tuzning yarmiga yaqinini soladi. Agar zirvak tuzsiz tayyorlansa, palov yopishqoq bo`lib sersuv konsistensiyaga ega bo`ladi va sochiluvchan bo`lmaydi.

   Palovni pishirishda asosiy paytlardan biri guruchning suvini shimib olish jarayonining tamom bo`lishini aniqlashdan iboratdir. Uning uchun kapgirning orqa tomoni bilan astagina guruchga urib korishadi, agar namlik guruchga to`la shimgan bo`lsa, “gup-gup” degan tovush chiqaradi.

    O`zbek pazandaligida palov tayyorlashning to`rt usuli azaldan buyon aniq: farg`onacha, samarqandcha, xorazmcha va buxorocha. Qaysi usul bilan tayyorlanmasin palovning guruchi sochiluvchan bo`lishi kerak.

   Palovga sabzavot va konservalangan sabzavotlardan har xil yaxna taomlar, gazaklar, anor donalari va mayda qilib kesilgan ko`katni mayin qilib piyoz bilan berishadi.